ທ່ານ ວິທູນ ສິດທິມໍລະດາ ຫົວຫນ້າກົມສົ່ງເສີມການຄ້າ ແລະ ຫັດຖະກຳ, ກະຊວງອຸດສາຫະກໍາ ແລະ ການຄ້າ ນຳພາຄະນະເຂົ້າຮ່ວມງານວາງສະແດງສິນຄ້າ Vietnam Expo 2025 ທີ່ ນະຄອນ ຮ່າໂນຍ ສສ ຫວຽດນາມ ໃນລະຫວ່າງວັນທີ 2-5 ເມສາ 2025.
ຈຸດປະສົງ: ເພື່ອໄປທັດສະນະສຶກສາ ແລະ ຜັນຂະຫຍາຍການເພີ່ມທະວີການຮ່ວມມື ລະຫວ່າງ ສອງ ກົມສົ່ງເສີມການຄ້າ ແລະ ຫັດຖະກໍາ ລາວ-ຫວຽດນາມ ໃນໄລຍະຜ່ານມາ ແລະ ການວາງແຜນການຮ່ວມມືໃນໄລຍະສັ້ນ, ໄລຍະກາງ ແລະ ໄລຍະຍາວ ຂອງສອງກົມ ພ້ອມດຽວກັນນັ້ນ, ກໍ່ເພື່ອເປັນການແລກປ່ຽນ ຖອດຖອນບົດຮຽນກ່ຽວກັບການຮ່ວມມືການຈັດງານວາງສະແດງສິນຄ້າ ລາວ-ຫວຽດນາມ ໃນອານາຄົດ.
